An obair céanna inniu, ag feistiú blocáin chun tosaigh agus ansin ag deiridh an báid.
Deilbh nua déanta i gcomhar an ceann seo.
Oirfeadh an smután seo.
Ach bhí sé beagáinín stomptha nó freangtha, dá bhrí sin chuireas tríd an tiúsóir é.
Marcáil amach.
Éasca péasca!
Ach ansin bhí an ball tosaigh mí-cothrom agus bhuel, bhí cuma mí-ceart air. Fuaireas corr dhíreach agus leagas síos trasna an dá thaobh é. Ansin thosnaíos ag plánáil agus ag siséaladh go raibh siad cothrom, ach ag déanamh mo dhícheall gan an líne lagbhoird a athrú.
Agus bhíos sásta leis na torthaí.
Ansin bhí sé in am na cinn ar chúl a dhéanamh. Ar dtús cheapas go raibh an cruth anseo ní ba shimplí, agus bheadh na blocáin níos éasca le déanamh, ach dheineas praiseach den chéad ceann. Bhí sé ró-ghearr.
Bhí a tarna ceann ní ba fhearr, ach dheineas praiseach den feistiú agus bhí sé ró chaol.
D'éirigh liom ar an tríú iarracht.
Tá cuma deas ar an taobh clébhoird leis na frámaí sciota.
Ansin an taobh deasbhoird.
D'éirigh go maith liom ann, ach bhí an iomad ama caite amú i rith an lae agus níor chríochnaíos an ceann deireanach ann.
No comments:
Post a Comment