24-25/03/2021 - An crann 7 an ceap treo

Beidh na blagiontráilacha go léir measctha suas as so amach. Bhíos ag bogadh ó jab go jab an t-am ar fad dá réir an aimsir, easpa ábhair agus uirlisí is araile.

Insan iontráil so, féachfad ar an gcrann, an ceap treo agus an tafta crainn.

Tá sé soiléir anois ná raibh an t-adhmad iomlán tirim nuair a dheineas an crann as. Tá sé tar éis triomú níos mó thar an dá bhliain so chaite agus tá fabhtanna tar éis oscailt ann.
Ní fadhb mór í seo, ach ní rud maith é ach an oiread.
Líonas na fabhtanna le puití tanaí agus ghlanas an breis. Ansan chuireas cóta Sikkens tharstu, agus ar aon áit eile ar an gcrann a bhí maol.

Ní rabhas sásta i 2019 le suíomh an crann. Bhí sé ag brú ar an ngarma rungála agus bá mhaith liom é a bhogadh chun tosaigh beagáinín.  Ba mhaith liom ráca beag a chuir ann freisin. Táim tar éis dul tríd an-chuid fótagraif i mbailiúchán Lawrence ar shuíomh idirlíona Leabharlann Náisiúnta na hÉireann agus déarfainn go raibh ráca tosaigh ar na crainn acu go minic.

 

 

 

An chéad rud le déanamh ná an leathar a bhaint den "páirtí crainn" sa tafta crainn.
Tá sé ar intinn agam gan é a chuir ar ais anso ag an deiridh ach é a chuir ar an gcrann ina áit.

 

 

Ansan, ghearras 10mm breise den tafta, agus dheineas iarracht beagáinín ní ba mhó a bhaint den mbarr chun an uillinn beag a chuir ann.

Cinnte bheadh fadhb agam anois leis an gceap treo.
Fuaireas píosa dair tirim go maith agus dheineas spásaire beag as.

D'fheisteas é ar bharr an ceap treo le scriúnna é, ach n'fheadar an mbeidh sé sin dóthain láidir - inseoidh an aimsir.