29/11/2018 - Fós ag pleidhcíocht leis an gcrann

Nílim socraithe fós.
Thosnaíos ar maidin ag líonadh na bearnaí sa chrann le puití.

Ansin líonas dhá bhuicéad le meascán ola róis, pairifín, ola bhí agus ola danmhargach agus chuireas na ulóige nua isteach ann.

Do bhí sé ar intinn agam ón gcéad lá mo ulóige féinig a dhéanamh, ach smaoiníos an iomad air agus loiceas ansin. Cheannaíos na cinn deasa seo ó Detleff ag toplicht.de. Táid déanta as cruach dhosmálta, agus adhmad ón gcrann lócaiste nú 'Black Locust'. Cheannaíos mo rigín reatha ón Uasal Löll ag an am céanna.

Nílim cinnte conas a cheanglaíonn na báid eile an líne taca an tseoil mhóir, ach ní foláir é a cheangail áit éígin in aice bun an crann, mar sin chinneas cléata a chuir ar chúl an crann féin. Bhuel, ó loisceas an choinneal loiscfead an t-orlach, chinneas cléata eile a chuir ar aghaidh an crann chun an háilléar brataí nú háilléar jibe a cheangail ann freisin.
D'aimsíos sean-chléata sa phuball agus dheineas dealbh de. Ansin d'aimsíos píosa iorócó mar ábhair na cléataí nua.

Ghearras amach iad leis an bpreabshábh agus chóiríos  leis an dtarscamhaire iad.

Lá ghearr eile a bhí ann. Éiríonn sé dorcha sa phuball go luath um an tráth seo den bhliain.