31/01/2017 - Saothar in aise!

Bhíos réidh na rungáis a dhéanamh inniu nuair a tháinigeas chuig an bád chlós ar maidin. Beidh gach rungás déanta ina dhá chuid agus beidh bunalt i ngach ceann ar fráma a 9.
Bhaineas an bráicín den clár agus chuireas an slat marcála ann.
Ghearras amach an chéad imeall ansin.

Ansin líneáil mé amach a taobh eile 3 orlach den chéad líne agus ghearras é sin freisin.

Tríd a tiúsóir ar dtús agus ansin roinnt bead plánáil agus cóiriú.

Ansin chasas bun os cionn é agus d'úsáideas mar dheilbh don taobh eile é. Do bhí an t-ádh orm an uair seo, bhíos ábalta é a fháil as an gclár a bhriseas nuair a bhíos ag iarraidh an stráca uachtair a dhéanamh roinnt mhí ó shin.

Ag marcáil amach an beibheal le haghaidh an trasnán.

Ag plánáil an smutach ar an dá imeall.

An tarna ceann réidh le gearradh amach.

Cóiriú.

Ag cuir an smutach ar gach imeall.

Ag gearradh an beibheal.

Tá an tsean-uirlis seo an-áisiúil na himill smutach (imeall corr) a dhéanamh, ach uaireanta bíonn sé deacair le húsáid. Caithfidh mé an ding a bhualadh isteach le máilléad chun an lann a choimeád teann daingean istigh ann. Tá sé an deacair doimhneacht an lann a shocrú go min. Go minic greamaíonn na scamhacháin adhmaid ina scornach agus bíonn orm an lann a baint de chun iad a ghlanadh amach, agus caithfidh mé an máilléad a úsáid chun é sin a dhéanamh freisin. Bhuel, féach ceard a tharla an uair seo agus mé ag déanamh é sin!

Ba mhaith an rud é go rabhas nach mór críochnaithe ag an am.

Ansin bhíos réidh iad a fheistiú. Ach ní rabhas ag súil leis an méid trioblóid agus deacracht is a bhí agam. An chéad rud ná, ní raibh aon áit ann teanntáin a chuir ann chun cabhrú iad a tharrac isteach ina áit. An tarna rud ná nach raibh siad an-solúbtha agus do bhí cuar agus casnóg le chuir ann.
Pé scéal é, ní raibh sé ró-fhad sara chuaigh cúrsaí in olcas.

Craic ag an gcríoch.

Scriúnna tarraingthe tríd an píosa ar fad.

Craic eile anseo agus bearna idir é féin agus an trasnán.

D'fhág mé leath feistithe iad (ag súil go sínfidís amach thar oíche) agus d'imigh mé abhaile dobrónach.

30/01/2017 - Tubaiste, ach b’fhéidir gurb é lár mo leasa é!

Cad a bhí ag fanacht dom go moch ar maidin ná an cacamas seo.
Bhí sé ró-dhéanach aon rud a dhéanamh fé anois, bheadh orm déileáil leis.

Ní raibh an alt cothrom in aon chor, bhí bearna idir an tslat bhoird agus an lagbhoird.

Bréan ag smaoineamh ar sin, thosnaíos leis an scarbhalt chlébhoird ar dtús.
Bhíos a déanamh an ceirfáil ar dtús, ach arís ní rabhas sásta leis na torthaí, mar sin d'úsáid mé an locar chun na haghaidheanna a fheistiú ag an deiridh.

Agus do bhí sé sin i bhfad ní ba shlachtmhaire.

Amach leis an eapocsach ansin agus theanntaigh mé le chéile iad.

Ar ais chuig an bpraiseach ar an taobh eile agus bhaineas an píosa ina iomlán den bád chun é a chóiriú leis an locar agus an criosghreanóir. Sa phictiúr seo bhíos ag glanadh na prislíní eapocsach de.

Agus é chomh fada agus leis an cuar mhór ann, bhí sé an-ciotach é a iompair agus a bhogadh, agus go tobann theip ar an gliú agus bhris sé ina dhá leath.

Ar dtús bhíos ar buile, ach tar éis nóiméid shocraigh mé síos agus thugas fé deara go raibh tarna seans gan choinne faighte agam é a dhéanamh i gceart.
Leanas ar aghaidh, ag cóiriú leis an locar agus dheineas arís é. Ní raibh sé foirfe, ach ní b'fhearr ná an chéad uair.

An scarbhalt fáiscthe le teanntáin agus an méid go léir scriúáilte síos, leanas ar aghaidh ag cóiriú beagáinín.

Níl aon rud eile le déanamh leis na gunailí go dtí amárach nuair a bheidh an eapocsach cruaidh. Mar sin chas mo smaointí chuig na rungáis íochtair. Chuas amach go dtí an Fionn agus thomhas mé an fad idir bun an ghunail agus barr an rungás ag sampla maith de na frámaí. Bhí an cuid is mó acu timpeall 13½". Mar sin d'aistrigh mé an tomhas sin go dtí na frámaí ar mo bhád.

Ansin shíneas slat caol fada trasna na marcaí siúd agus líneáil mé amach iad.

Ag déanamh líne díreach (nó cóir ar a laghad) as tomhais garbh.

Agus ar an gclébhoird.

Ansin bhí orm bráicín spaighlála (nó spiling batten, is cosúil go bhfuilim ag cumadh mo fhocail féin anois!) nua a dhéanamh toisc go bhfuil gach ceann eile scriosta agam ag déanamh deilbheacha i gcomhar an tslat bhoird.
Sin déanta dheineas an spiling ar na línte scríofa ar na frámaí. Ní rabhas ag súil leis, ach bhí sé beagnach díreach, agus mé ag ceapadh go mbeadh cuar mór ann. Le haghaidh an jab seo bheadh cláir díreach ní ba oiriúnaí.

Sracfhéachaint siar ar obair an lae roimh imeacht.

28/01/2017 - Ag déanamh dalláin.

Ar an Sathairn ghlacas roinnt nóiméad chun dalláin a dhéanamh. Úsáidfad iad chun na poill scriú sa ghunail a líonadh.

27/01/2017 - Cúl an tslat bhoird (clébhoird).

Ar dhóigh nó ar dhóigh eile, nuair a bhíos ag caolú na frámaí (nach mór dhá mhí ó shin) dheineas an ceann seo (17 deasbhoird) ró-chaol. Chomhairligh Liam go mbeadh cuma gránna ar an slat bhoird dá mbeadh scolb aisti ansin. Threoraigh sé dom ding a thiomáint isteach idir an fráma agus an rungás chun a cruth ceart a ath-deilbhiú. Rud a dheineas, go mall, cúramach...agus go neirbhíseach!

Ach bhí sé fiú é. Bhí cuar breá cóir fágtha i mo dhiaidh.

Ar ais go dtí an gunail chlébhoird ansin.

Ag deisiú an deilbh.

Ag leagan amach.

Ag gearradh amach.

Ag marcáil an beibheal.

Agus ag gearradh an beibheal.

Luíonn sí go breá.

Ansin leagas an chuid tosaigh anuas ar an chuid deiridh chun líne an scarbhailt a mharcáil síos. Thugas fé deara ansin go mbeadh sé i bhfad ní ba éasca an scarbhalt a dhéanamh dá mbeadh ábhar breise ar an taobh amuigh. Mar atá sé anois beidh sé deacair imeall deas cóir agus cothrom a fhágáil.

Pé scéal é, bhí an líne marcáilte agam.

Ar dtús bhí roinnt den ábhair breise ón taobh istigh a bhaint de.

Ba ansin a d'iarr mé barr mo mhear a bhaint díom leis an bplána chumhachta.

Ba chuma - bhí obair le déanamh.

Sásta leis sin, bhí sé in am an scarbhalt a dhéanamh.

Ach nuair a bhíos á a ghearradh scoilt an t-adhmad, agus ar an taobh mí-cheart, mar bharr ar an donas!

Socródh spota gliú é sin, ach is fuath liom é nuair a deinim botúin dúra ar nós sin.

Agus an gliú ag leasú ar an taobh eile, thosnaíos ag déanamh an scarbhalt ar an taobh deasbhoird.
Mhol Fachtna gan gearradh ar an líne, ach fág an-chuid ábhar breise agus ceirfáil lé chéile iad.

Dheineas é sin, ach d'éirigh sé an-deacair liom. Bhí na píosaí ag bogadh. Bhí an sábh ag greamú. Bhíos ag déanamh dochair le barra an rungás agus an lagbhoird leis an sábh.

Ní rabhas ró-shásta leis an obair ach chinneas go raibh sé ceart go leor agus mheascas suas an gliú eapocsach.An leithscéal agam ná go rabhas tuirseach!
Cúpla nóiméad ar ball thugas fé deara go rabhas déanach chomh maith. Bhí an nuacht ag a 5 ar siúl ar an rédíó agus mé ag ceapadh nach raibh sé ach ag a 4. Bhí an-deifir orm anois.
Leath mé an gliú ar an dá aghaidh agus ghreamaigh mé le chéile iad le cúpla chlampa agus rith amach a doras.