Bhí na ulóige ar maos sa ola thar oíche agus thógas amach iad ar maidin le triomú.
Ina dhiaidh sin ghreamaíos na cléataí nua don gcrann le gliú APV (aicéatáit pholaivinile) agus scriúnna. Nílim cinnte cé chomh láidir is a bheidís, ach gheóbhad amach luath nú mall is dócha.
Na nithe beaga sin déanta, thosnaíos leis an bpríomh-saothar an lae - an geaifil, nú an chleith a thosnú.
Bhí mearbhall orm fén focal sin le tamall. Ní rabhas cinnte ar an téarma ceart. Tá easaontas idir na foclóirí ar fad fé, ach dar le muintir Gaeilge Amháin ar Facebook, is é "geaifil" an téarma ceart, agus is é sin a úsáidfead as seo amach.
An jab a bhí le déanamh inniu ná dhá aghaidh ar an maide a dhéanamh cothrom agus cearnach óna chéile. Faraor nuair a thriomaigh an t-adhmad, lúb sé ar nós banana. Tá an-chuid oibre fós le déanamh.
No comments:
Post a Comment