04/04/2017 - Lá ainis.

Bhíos ag súil go raibh an sínte amach go maith thar oíche, mar sin d'ullmhaíos le haghaidh an tairneáil.

Ach tar éis an chéad tairne, féach ceard a tharla.

Chuas díreach go dtí Liam agus chomhairligh sé an craic a líonadh le eapocsach, tacaigh le crampaí é agus lean ar aghaidh. Rudaí a rinne mé.

Ach tar éis cúpla thairne eile tháinig craic eile, ceann i bhfad ní ba mheasa agus gan réiteach.

Ní raibh rogha eile ann seachas é a bhriseadh ina iomlán.

Bhíos ag smaoineamh gurb cheart dúinn an ceann seo a ghalú ón tús ach anois mhol Liam dom an stráca a dhéanamh i dtrí phíosa, agus an cuid sa lár as an bpíosa seo a shábháil. Bhíos féin beagáinín amhrasach, ach ghlacas a chomhairle.

An píosa tosaigh a athdhéanamh. Bhíos thar a bheith cúramach leis an spiling an uair seo, agus d'aithin mé cár chuas ar strae inné. Bhí an slat spadhlála ró-chaol agus ró-solúbtha. Nuair a bhíos ag cuir an slat sin in aice na frámaí bhí sé ag camadh beagáinín agus tháinig an díchumadh sin amach sa phlanc críochnaithe.
D'athraíos slat agus leanas ar aghaidh.

Méara trasna, beidh sé ceart go leor an uair seo...

...ach arís díomá.

Bhí beagán eapocsach breise agam (leath cruaite) agus bhrúas isteach sa craic é agus leanas ar aghaidh.

Leanas ar aghaidh leis na píosaí eile, ach bhí an croí imithe asam inniu.

03/04/2017 - Lá bambach.

Chomhairligh Liam dom deilbh a dhéanamh le haghaidh an chuid tosaigh den stráca seo freisin. Uaireanta, leis an casadh atá ann sna strácaí seo, ní féidir leat braith go hiomlán ar na beibhil - agus muna thugis fé ndeara fós, mar nós an cat mara, más féidir liom dul amú, raghad amú!

Bhí difríocht beag ann.

Agus ansin na beibhil.

Chabhraigh Liam liom an plainc a fheistiú. Roimh ré bhí sé ag rá go gcaithfimid an ceann seo a ghalú, ach nuair a d'fhéach sé air cheap sé gurb fhéidir linn é a dhéanamh go mall faichilleach gan an gal.

Dheineamar ah chéad píosa agus mhol sé é a fhágáil ann ar feadh tamall sara dhéanfainn an chuid eile.
Mar sin, leanas ar aghaidh leis an spiling ar an chuid deiridh.

Ina dhiaidh sin bhí níos mó cruthú le déanamh ar an stráca íochtair.

Agus ansin dheineas an chuid eile den stráca eile.

Ach bhí sé indéanta na cranraí go léir a sheachaint.

Agus mé ag obair ar na píosaí siúd, ó am go chéile bhíos ag teanntú na crampaí ar an bplanc a bhíomair ag lúbadh. De réir a chéile, tháinig sé isteach in aice na frámaí. Maith go leor, ach nuair a bhí sé ag druidim leo, thugas fé ndeara go raibh a spiling i bhfad as ceart. Ní raibh cruth an phlainc ceart agus ní raibh sé ag suí isteach in aice an ceann os a cionn.
Níl fhios agam cár chuas ar strae, ach bhí an chuid feistiú le déanamh agam. Bhí sin sách deacair a dhéanamh agus an planc fós teanntaithe ar an mbád, ach níos tábhachtaí ná sin, athraíonn sé cruth an stráca críochnaithe.

Tar éis an-chuid obair chuaigh sé isteach ceart go leor, ach bhí díomá agus fearg orm gur chaith mé an méid sin ama (agus saothar) amú mar gheall ar mo chuid neamhchúram.

D'fhág mé mar sin é thar oíche. Tairneálfaidh mé amárach é.

31/03/2017 - An cuid tosaigh den stráca íoctair.

Thosnaíos ar maidin ar an chuid tosaigh an stráca íochtair. Pé mar an chuid eile, bhí orm spiling a dhéanamh taobh thiar den deilbh siar go dtí fráma a 9.
D'úsáid mé ceann de na cláir nua le haghaidh an píosa seo agus bhí sé cosúil le dodgems ag seachaint na cranraí.

Ag líneáil amach.

Arís an preabshábh agus an sábh ciorclach ag obair le chéile.

Ansin chomhairligh Liam an stráca ag an mbarr a ghearradh amach freisin ionas go mbeimid ábalta an trí chinn a ghalú le chéile.
Thosnaíos ag sadhláil é sin.

Agus é a ghearradh amach ar an gnáth slí.

Agus na beibhil a chuir ann.

An uillinn ag an stuimine.

Bhí beagán cuasáil, nó tolladh amach le déanamh chomh maith.

Cheannaíos an locar cónra seo sa mhargadh sa Sciobairín foinnt míonna ó shin agus d'athraigh mé é le bheith mar locar cuasáil, agus oibríonn sé go thar barr.

Deiridh lá eile.