05/03/2018 - An ceap treo 7 an bíoma rungála lárnach.

Thug Liam cuairt eile orm go moch ar maidin. Ceapann sé go bhfuil an ceap treo mór go leor agus bhí sé fiosrach ar an suíomh de freisin. De réir na pleananna bíonn an ceap treo ar frámaí 8, 9 agus 10, ach bhí sé ar 7, 8 agus 9 agam. Bhíos ar buile nuair a thugas é seo fé deara. Bhí sin ar eolas agam agus scríobhas na huimhreacha ar na frámaí fiú ionas nach ndéanfad aon botún, ach mar sin féin tá an botún áirithe sin déanta agam. Grrr!
Thriaileas é a chuir insan áit ceart, agus d'oibrigh sé, beag nú mór, ach bheadh níos mó feistiú de díth. Ach nuair a d'fhéachamair air le chéile, cheapamair beirt go mbeadh sé go breá in san áit sin, agus leanas ar aghaidh gan níos mó agó.

An chéad rud eile ná moirtís a ghearradh amach.

Ansin bhí sé réidh le tairneáil síos.

Ansin bhíos ábalta an chéad garma rungála eile a thomhais.

Píosa eile le chuir leis an mbíoma rungála.

Sin é anois é.

Agus an chreidfeá go bhfuil mo dhóthain iorócó fágtha agam le haghaidh na píosaí eile...ar éígin!

Agus ar deiridh, tairneálaim an bíoma isteach.

03/03/2018 - An ceap treo.

Dhá lá sa bhaile ag féachaint amach ar an aimsir agus bhíos ag eirí an-chorrthónach. Chuas amach le dúshlán na síne a thabhairt, agus síos go dtí an clós liom, fiú amháin ar maidin Dé Sathairn. Ní raibh duine ná deoraí eile ann.

Na chéad céim eile leis na bíomaí rungála ná slat a suífidh na garmaí agus cuid den urlár air.
Dob fhéidir liom an dealbh céanna a úsáid arís toisc go mbeidh an píosa nach mór a cruth céanna ná barr an píosa roimhe seo.

Agus anois caithfead iad a bholtáil le chéile.

Ag bádh na cnónna.

Ag fágaint an píosa sin go leataobh ar feadh tamall (agus an prímeálach ag triomú) chuas ar ais go dtí na leapacha innill. Tá an leapa ar dheis agus an lámhchrann ag teacht salach ar a chéile agus mar sin ní mhór dom scolb a ghearradh amach.

Fén am sin bhí an péint sách tirim leanúint ar aghaidh leis an urlár.

Anseo táim ag cuir scarthóir ann.

Agus ansin thugas fé ndeara go raibh scolb eile ag teastáil in san gharma rungála.

Agus scarthóir eile.

Ansin thosnaíos ar an gceap treo. Beidh an chéad gharma rungála eile ina luí air, agus mar sin ní foláir dom é seo a dhéanamh ar dtús.

Níl ann ach dronuilleog adhmad, ach cosúil le gach rud eile chaithfidh sé a bheith feistithe i gceart le gach ball a bhaineann sé leis.

Tá go maith, ach mar is gnáthach le píosaí móra darach, chomh luath is a thosnaíonn tú ag obair leis osclaíonn sé amach le scoilteanna móra uafásacha.
Chuireas daba beag eapocsach isteach sa scoilt mar dhúil nach osclóidh sé níos mó.

28/02/2018 - Leath lá - Lá an sneachta!

Tá an tír ar fad imithe as a meabhair tar éis cúpla ceintiméadar sneachta thar oíche. Tá na scoileanna dúnta agus na páistí ag tógáil fir sneachta.

Tá sé fuar go leor cinnte, ach bhí na bóithre maith go leor teacht chuid an clós.

Faraor, leis an bhfuacht fuair na ceallraí i mo fhón agus mo cheamara bás agus ní rabhas ábalta níos mó fótagraif a fháil.

Ar dtús dheineas dealbh agus ansin ghearras amach agus d'fheistigh mé an príomh bíoma rungála.

Cóta tapaigh prímeálach agus chuas abhaile le haghaidh cogadh mill sneachta.

27/02/2018 - Leath lá - Na garmaí rungála

Thug Liam cuairt orm maidin inniu agus phléamar an leagan amach an urlár, na píosaí eile a theann timpeall an inneall agus eile.

Ina dhiaidh sin, leanas ar aghaidh ag feistiú na bíomaí rungála.

B'fhearr liom gan é seo a dhéanamh, ach mothaím go bhfuil an urlár beagáinín ró-ard.

An-chuid plánáil le déanamh ansin anois.

De réir a chéile shuigh siad isteach i gceart néata.