An athrú mór le teacht go luath ná an chéad cóta péint taobh istigh, ach roimhe sin ní foláir dom beagán greanáil a dhéanamh. Ach roimhe sin ní foláir dom stopalláin/dalláin a chuir isteach sna poiil ar fad.
Ceann amháin san uchtán.
Dornán sa trasnán.
Rith smaoineamh liom an bolta seo a iompú timpeall, agus an dallán a chuir lasmuigh.
Dalláin darach i gcomhar poill darach.
Seo ceann aisteach. Thit cranra amach as an ribín rungáis agus bhí leath poll fágtha.
Dalláin Dhúghlas i bpoill Dhúghlas.
Agus ansin thosnaigh an greanáil. Bhíos ag caitheamh an aghaidhmhasc toisc gobhfuil roinnt luaidhe dhearg ar an ribín rungás agus tá an dusta as sin thar a bheith míshláintiúil má théann sé isteach i do scamhóga.
Tá sé deacair gach rud agus gach spota a ghreanáil i gceart, ach níl an foighneamh agam mo shaol ar fad a chaitheamh ann ag déanamh é.
No comments:
Post a Comment