Agus an leathar ar maos sa bhuicéad, thosnaíos ag obair ar an rigín reatha.
An chéad rud le déanamh ná 'grommet'.
Cé go bhfuil sé deacair uaireanta téarmaí a aimsiú le haghaidh codanna bád agus uirlisí agus nósanna oibre agus araile, is cosúil go bhfuil raidhse téarmaí ann le haghaidh 'grommet'.
Tá 'súil dhualach' ag tearma.ie.
Tá 'réabán' ag Ó Dónaill, ach leis an cuir síos atá aige, b'fhéidir go bhfuil 'cringle' i gceist aige.
Tá 'fáinne téadán' agus 'fáinne cnáibe' ag De Bhaldraithe.
Is maith liom súil dhualach - b'fhéidir ná fuil téarma traditiúnta ann, ach is maith liom é, agus bainfead úsáid as as seo amach.
Is é seo conas súil dhualach a dhéanamh. Dheineas cuid maith acu thar na blianta, ach an gnáth fadhb a bíonn agam ná tagann caisirnín ann uaireanta.
Dob é seo mo iarracht inniu:
Agus mé ag scríobh an post seo anois, táim tar éis an ceardaíocht seo a fheiscint ar líne. Déanfad é seo an chéad uair eile.
Ach pé scéal é, leanas ar aghaidh ag feistiú na frídeoirí.
Bíonn an comáil i bhfad níos éasca le téad snáithín.
Ansin d'fhilleas ar ais ar an stagh tosaigh.
No comments:
Post a Comment