Ach ansin, mhol Liam dom píosa a bhaint den leaba an innill. Ní rabhas cinnte fé, ach bhí orm rud éígin a dhéanamh.
Mhol Fionn Lupton dom anóid íobartach a chuir ar an gcabhail agus é a cheangal leis an inneall agus an feadán seafta le sreanga.
Bhíos amhrasach ar dtúis, cén fáth go mbeadh cathodic protection ag teastáil ó bhád adhmaid? Bád nú long cruach, cinnte, ach adhmad?
Ach tá an ceart aige. Oibríonn an t-adhmad mar seoltóir aibhléise agus bíonn gach saghas miotal laistigh sa bhád ag ite a chéile insan leictrilít na farraige.
Seo an chéad poll déanta agam.
Ina dhiaidh sin chasas mo aird ar an gceap treo.
N'fheadar conas a tharla sé, ach táim buartha nach féidir leis an gcrann dul isteach ann mar gheall ar an mbíoma rungála sa slí.
Ghearras ceintiméadar de (dheineas an poll ceintiméadar níos faide), agus tá súil agam go mbeidh sé ceart go leor.
No comments:
Post a Comment